OU Voortrekker Pas - Louvain

[john_ysbeer]

Met al die storms en swaar reën van die laaste tyd in die Wes en Suid-Kaap, soek ek inligting oor die toestand van die Ou Voortrekkerpas by Louvain Gasteplaas Tussen George en Avontuur. Ek dink daar kan dalk nou 'n paar plekke wees wat miskien onrybaar moeilik gemaak is met verspoelinge ens...
My seun het sopas vir hom 'n Pajero aangeskaf en jeuk om die voertuig te gaan "toets". Ek het gereken 'n Graad 2-3 trail sal goeie 'n beginpunt wees....
Inligting sal waardeer word.
Ons kyk na die langnaweek in September...of daar rondom...

[Oom Walter]

Ek was laas maand daar.
Vanaf louvain kan jy op ry na die berg toe wat vir jou n fantastiese 360° uitsig gee.

Na die berg is die pas veronderstel om aan te gaan.
In die begin lyk dit doenbaar met n paar rotserige dele, maar so 4km vanaf die berg is daar erosie wat dwars oor die pad loop.
Gate van meer as 1m diep en maklik 60cm breed.
Tensy jy met tank tracks ry gaan jy nie daar oorkom nie...
Ons het toe die pas verder uitge-hike vir 18km, dis n pragtige omgewing.

Die berg uitsig is nogsteeds fantasties!

[Oom Walter]

Jy kan ook die prince alfred's pass gaan uitry, en kamanassie road is uitstekend